Kryeministri i Republikës së Kosovës, Hashim Thaçi, ngushëllon familjen Aliqkaj me rastin e vdekjes së profesorit të nderuar Xhavit Aliqkaj.
Në telegramin e ngushëllimit thuhet:
“Me pikëllim e morëm lajmin për ndarjen nga jeta të profesorit të nderuar, aktivistit për liri dhe pavarësi, si dhe mbledhësit të folklorit, Xhavit Aliqkaj.
Humbja e profesorit Aliqkaj është një humbje jo vetëm për familjen, por edhe për institucionet ku punoi.
Duke shpreh konsideratë të lartë për punën e tij, në emër të Qeverisë së Republikës së Kosovës dhe në emrin tim, pranoni ngushëllimet më të sinqerta”./PrizrenPress.com/