Lidhja Demokratike e Kosovës (LDK) ka themeluar sot Shtabin Zgjedhor në Has. Këshilltari i LDK-së në AK të Prizrenit, Haziz Hodaj njoftoi se ky shtab do të funksionojë në Gjonaj.
“Për të qenë më afër votuesit, dhe për të intensifikuar kontaktet me ta, për të identifikuar problemet e tij, sot u themelua Shtabi Zgjedhor Regjonal i Hasit të LDK-së, i cili do të veprojë në një zyrë elektorale në Gjonaj. Shtabi përbëhet nga kryetarët e nëndegëve dhe kandidatët që garojnë për Kuvendin Komunal të të Prizrenit. Ata do të kujdestarojnë në zyrë për çdo ditë”, shkruan Hodaj në Facebook./PrizrenPress.com/