Fatmir Limaj, kryetari i Nismës Socialdemokrate, mori pjesë në inaugurimin e kompleksit “Kalaja e UÇK-së” në Arbëri të Vërrinit në Prizren. Në këtë ceremoni të rëndësishme, ku ishin të pranishëm personalitete të shumta që kanë kontribuar për vendin, Limaj theksoi rëndësinë e luftës së Ushtrisë Çlirimtare të Kosovës (UÇK) dhe sakrificën e madhe të popullit shqiptar për liri.
Në fjalën e tij, Limaj rikujtoi momentet e vitit 1998, kur komandanti legjendar Adem Jashari ngriti kushtrimin anekënd Kosovës, duke bashkuar çdo cep të vendit në luftë për liri. Ai vuri në pah simbolikën e kodrës ku u ndërtua kompleksi, duke e krahasuar me kohën kur pushka krisi në Prekaz dhe Serbia ngriti në këmbë gjithë Kosovën, ndërsa jehona e UÇK-së u dëgjua kudo, përfshirë edhe këtë zonë.
Kryetari Limaj shprehu mirënjohje dhe respekt për të gjithë veteranët, iniciatorët dhe të gjithë ata që kanë kontribuar për të lartësuar shkronjat e arta “UÇK” në Prizren. Ai theksoi se përurimi i kompleksit në Ditën e Çlirimit të Prizrenit është një moment i veçantë.
Në përmbyllje, Limaj nderoi dhe respektoi të gjithë dëshmorët e kombit dhe ata që lartësojnë dhe vlerësojnë luftën e UÇK-së, duke thënë: “Lavdi gjithë dëshmorëve të kombit, nder dhe respekt për të gjithë ata që lartësojnë, nderojnë dhe vlerësojnë luftën e UÇK-së.
Marketing
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
