Lutfi Haziri thotë se me një mandat të lënë në gjysmë Ramush Haradinaj ka kërkuar që të ketë sërish rastin për të përfunduar këtë mandat.
Një kërkesë të tillë përveç tani, Haziri thotë që Haradinaj t’ia këtë bërë më parë edhe PDK’së. Kështu, ai tha se marrëveshja që Haradinaj të ketë postin e kryeministrit ishte pjesë e kompromisit.
Duke folur për Këshillin e Përgjithshëm të LDK’së Haziri tha se iu dha mbështetje bllokut LDK-AAK-NISMA. Bllok ky të cilin, Haziri nuk e quan opozitar por grupi më i madh parlamentar në Kuvendin e Kosovë.
Regjistrimi në një grup të vetëm parlamentar, tha Haziri në “Argument Plus” në RTV 21, nuk ndalohet nga askush.
Haziri tha se më 17 korrik kur është thirr seanca e parë parlamentare nga Presidentja Atifete Jahjaga, është koha kur Kosova duhet të tregoj pjekuri.
“Unë pres më 17 korrik që deputetët të tregojnë pjekuri të madhe politike”, tha Haziri.