Portieri i kombëtares së Anglisë, Jordan Pickford, kërkohej nga shumë skuadra të mëdha, pasi që ishte afër skadimit të kontratës me klubin e tij, Everton-in (kontrata i skadon në verën e vitit të ardhshëm).
Por, siç duket ai nuk e ka ndërmend të largohet nga “Gudisson Park”, pasi që mediat angelze raportojnë se numri një i “Tre Luanëve” ka arritur marrëveshje për ta nënshkruar kontratën e re me klubin e tij.
Mediat në Britaninë e Madhe raportojnë se bisedimet janë në fazën finale dhe tani po diskutohen vetëm disa detaje të fundit.
Pickford, pjesë e klubit anglez prej verës së vitit 2017, pritet të nënshkruajë një kontratë afatgjatë me Everton-in dhe në marrëveshje do të ketë edhe një klauzolë largimi.
Kujtojmë që Pickford deri më tani numëron 222 ndeshje me Everton-in, prej të cilave e ka mbajtur portën e paprekur në 59 ndeshje.
Ai është portieri i parë i Anglisë, me të cilët numëron 50 ndeshje zyrtare.
/Albanianpost.com