Sot, xhiroja e 11-të e Superligës së Kosovës në futboll, do të vazhdoj me dy ndeshje tjera.
Në Klinë, skuadra e Dukagjinit e pret Suharekën në stadiumin “18 Qershori”, ndeshje që starton në orën 13:00.
Dukagjini futet i motivuar në këtë përballje, pasi në dy ndeshjet e fundit ka marrë katër pikë, duke mposhtur Llapin dhe barazuar me Ballkanin.
Edhe Suhareka udhëton drejt Klinës për rezultat pozitiv, pasi xhiron e shkuar i dha fund serisë negative prej tri humbjeve duke e mposhtur Prishtinën 2:1.
Dukagjini është i parafundit në tabelë me 10 pikë, 6 më pak se Suhareka që zë vendin e katërt.
Dueli tjetër është ai ndërmjet Llapit dhe Feronikelit ’74 që luhet në stadiumin “Zahir Pajaziti” në Podujevë, po ashtu prej orës 13:00.
Llapi është i 6-ti në tabelë me 14 pikë por ndaj Feronikelit ’74 futet pas dy humbjeve rresht, ndërsa ekipi nga Drenasi është i fundit me 2 pikë.
Marketing
Përjetoni pushime të paharruar dhe dasma magjike në Hotel “Albes Residence”
