Në gjimnazin “Gjon Buzuku”, të enjten u zhvillua vlerësimi i shkallës së pestë për nxënësit e klasave të XI-ta.
Drejtoresha e gjimnazit, Gylaj Shipkovica-Karjagdiu, njoftoi se nënshtrimi i testit për vlerësimin e brendshëm të shkallës së pestë u realizua nga 292 nxënës të klasave të XI-ta, përfshirë drejtimin matematiko-natyror dhe paralelet në Romajë, Gjonaj e Reçan.
Koordinatori i cilësisë, Vedat Shala, theksoi rëndësinë e këtij vlerësimi, duke e vlerësuar si një proces thelbësor për përgatitjen e nxënësve për testin e maturës, si dhe për zbatimin e kurikulës shkollore.
Në anën tjetër, disa nga nxënësit, si Armisa Gajraku dhe Rrita Dani, vlerësuan rëndësinë e këtij vlerësimi për zhvillimin e tyre të mëtejshëm arsimor.
Vlerësimi i brendshëm për nxënësit e klasave të XI-ta organizohet çdo vit në këtë gjimnaz dhe është rezultat i bashkëpunimit të ngushtë mes nxënësve dhe mësimdhënësve për arritjen e objektivave të kërkuara./tv prizreni/
