Sot do të zhvillohen dy ndeshje tepër interesante në futbollin kosovar.
Ndeshjet janë të vlefshme për javën e 31-të të AlbiMall Superligës së Kosovës.
Në stadiumin ”Rexhep Rexhepi”, në Drenas, Feronikeli ‘74 do të jetë nikoqire e Malishevës.
Malisheva aktualisht renditet në vendin e katërt me 52 pikë, derisa Feronikeli ‘74 po lufton për mbijetesë, duke u renditur në vendin e tetë me 31 pikë.
Një ndeshje tjetër interesante është edhe ajo mes Fushë Kosovës dhe Lirisë.
Skuadra vendase po shpreson të mbetet edhe për një sezon në elitën e futbollit kosovar, duke u renditur në vendin e nëntë me 20 pikë, derisa prizrenasit veçse janë përshndetur nga Superliga, ku kanë vetëm 11 pikë.
Të dy ndeshjet zhvillohen nga ora 15:00.
Ndërmarrja “3D-Fesali” në Prizren, partneri më i besueshëm për çdo projekt ndërtimi