19.8 C
Prizren
E shtunë, 1 Tetor, 2022

Tahiri: Dyfishimi i pagave për prokurorët do të thotë përgjegjësi maksimale para qytetarëve

Deri në fund të vitit 2018, Ministri i Drejtësisë, Abelard Tahiri, kërkon rezultate konkrete nga të gjithë prokurorët në luftimin e korrupsionit. Pas dyfishimit të pagave, që nga ky janar i bënë prokurorët më të paguarit në rajon, ministri Tahiri tha se pritjet ndaj tyre janë më të mëdha.

Pasi ka kërkuar përgjegjësi në Konferencën Vjetore të Prokurorëve, Tahiri ua ka kujtuar këto përgjegjësi edhe përmes një statusi në rrjetin social Facebook. “Sistemi prokurorial është pashmangshëm një ndër shtyllat themelore të sistemit të drejtësisë. Dyfishimi i pagave për prokurorët, që do të nis së zbatuari nga ky muaj, i bënë ata më të paguarit në rajon. Kjo do të thotë se edhe pritjet ndaj tyre janë më të mëdha.

Andaj, në Konferencën Vjetore të Prokurorëve, si Ministër i Drejtësisë por edhe si qytetarë i këtij vendi, kërkova nga ata përgjegjësi maksimale që në fund të vitit 2018, të kemi rezultate konkrete në luftën kundër korrupsionit” ka shkruar Tahiri.

Po ashtu, ministri Tahiri edhe njëherë ka potencuar angazhimin e tij për të bërë këtë sektor të besueshëm për të gjithë qytetarët.

“Sundimi i ligjit, në mënyrë të pa kompromis, është dhe do të mbetet prioritet i imi si ministër, sepse si shoqëri jemi përcaktuar vetëdijshëm që të besojmë në drejtësi dhe të besojmë në mekanizmat që drejtësisë i japin kuptim. Prandaj, përpjekjet tona janë duke nxitur një moment të ri për ta fuqizuar sektorin e Sundimit të Ligjit dhe për të ngritur Shtetin e së Drejtës aty ku duhet të jetë” ka përfunduar statusin e tij Tahiri.

Më Shumë

Të famshmit zemërthyer pas vdekjes së yllit të “Gangsta’s Paradise”

Coolio ka vdekur në moshën 59-vjeçare. Reperi, emri i vërtetë i të cilit është Artis Leon Ivey Jr., vdiq të mërkurën, më 28 shtator,...

Totaj pret në takim kryetarin e PRBK-së, Albert Kinolli

Kryetari i Prizrenit, Shaqir Totaj, priti sot kryetarin e Partisë Rome të Bashkuar të Kosovës, Albert Kinolli, nënkryetarin e kësaj partie Rasim Krasniq dhe...

Lajmet e Fundit