20.8 C
Prizren
E mërkurë, 17 Gusht, 2022

Zgjedhjet dhe fitorja e CDU-së në Dragash

Nuhi Salihu gazetarShkruan: Nuhi Salihu

Rrethanat e reja në Kosovë, të krijuara pas marrëveshjes së Brukselit për krijimin e Asociacionit të komunave serbe në Kosovë, mund të shtrihet edhe në Dragash dhe Prizren.

Në komunën më të skajshme të vendit-Dragash në zgjedhjet e 3 nëntorit nga partitë e komunitetit goranë(assesi boshnjak sepse në radhë të parë nuk e flasin gjuhën boshnjake,por atë serbe, përveç gjuhës së tyre)më së shumti vota ka marrë partia CDU e cila për herë të parë ka garuar në këtë komunë.

Krerët e këtij subjekti politik kanë koketuar me zyrtarë të Qeverisë së Serbisë që në të ardhmen,me formimin e komunës së Gorës,kjo komunë të futet nën ombrellën e Asociacionit. Për këtë gjë,po këta zyrtarë serbë kishin bërë thirrje që masivisht të përkrahet ky subjekt politik në Dragash. Ky organizëm politik që kryeqendër e ka fshatin Vraniq,ku nga paslufta është edhe çerdhe e strukturave paralele “pro-serbe” e drejtuar nga njerëz që kan operuar për SPS-in e kryekriminelit,Millosheviq,nga viti 1990-1999.

Kandidati për “kryetar të Dragashit” nga CDU,Safet Kushi,duke kremtuar fitoren e partisë së tij(mund ta shikoni në you tube) i’u thotë bashkëpunëtorëve të ngushtë dhe të gjithë të pranishmëve se “tashmë Gora është e lirë”.Pyes veten,athua nga kush është “çliruar Gora”,kur asnjëherë dhe nga askush nuk i’u është cenuar e drejta elementare goranëve në asnjë moment.

Shumica e goranve në kohën më të vështirë për shqiptarët,ishin bashkëpunëtorë dhe përkrahës të politikës shfarosëse ndaj shqiptarëve të aparatit të instaluar serbo-sllav në Kosovë. Shumë pak ‘goranë” ishin përkrah në ditët më të vështira për shqiptarët(ndoshta nga frika apo ndoshta nga joshjet dhe privilegjet që gëzonin atëbotë,apo edhe diçka tjetër).Një përqafim i idesë së inkuadrimit në asociacionin e komunave serbe nuk mund të përjashtohet edhe në komunën e ardhshme të Reçanit në Grykën e Lumbardhit(Zhupë)(premtim i krerëve më të lartë institucional të Kosovës).

Duke pasur parasysh faktin se udhëheqës të partive politike të komunitetit “tërbesh”(jo boshnjak siq aludohet sepse edhe pjesa e Zhupës nuk flet boshnjakisht por kryekëput serbisht),kanë qenë anëtarë të devotshëm jo vetëm të SPS-it por edhe të JUL-it(parti që ishte formuar nga bashkëshortja e kryekriminelit serb,Millosheviq,Mira Markoviq).Në përvjetorin e tretë të themelimit të një partie nga ky komunitet në Prizren,kreu i kësaj partie pati porositur bashkëvendësit”që të mbijetojnë në vatrat e tyre,sepse nuk do të jetë larg dita kur kjo sakrificë nuk do të na shpaguhet”.

E tha pa asnjë hezitim para zyrtarëve të pushtetit qendror dhe atij lokal në Prizren(një nga drejtuesit e JUL-it për këtë komunë).Prapë shtrohet pyetja,nga kush duhet të mbijetohet?Partitë politike shqiptare nuk e çajnë kokën për synimet e këtyre politikanëve të kalitur në SPS e JUL. Partive politike shqiptare I’u intereson vetëm mbajtja e pushtetit(duke bërë koalicione),e assesi angazhimet në ruajtjen e sovranitetit dhe territorialitetit të Kosovës.

Po këta drejtues të partive të komuniteteve pakicë të lartpërmendura as nuk janë marrë me problemet e bashkëvendësve të vet(vetëm atëherë kur kan përfituar personalisht,dikush edhe duke marrë pagë nga Serbia për misionin e vet brenda institucioneve të Kosovës).Pas zgjedhjeve që sapo përfunduan kemi 9 komuna të cilat nuk e njohin kushtetutshmërinë e Kosovës,dhe duke pasur parasysh rrënjët e thella të politikës serbe në këtë komunitet,nuk duhet të habitemi kur nga 9 komuna,asociacioni I komunave serbe të rritet në 11(nuk e përjashtoj edhe mundësinë e futjes së komunës së Shtërpcës në këtë asociacion).

Mendoj se janë çështje që duhet analizuar me kujdes,përndryshe politika shfarosëse e Millosheviqit është shndërruar në politikë paqësore shkatërruese ndaj shqiptarëve në Kosovën e pasluftës.A duhet të rrijm inferiorë ndaj këtyre zhvillimeve politike aktuale në Kosovë edhe tani????

Më Shumë

DJ-i që shkoi të bëjë muzikë në një shtëpi në Rahovec, vjedh një iPhone 7 – zbulohet nga pronari

Një rast i pazakontë i vjedhjes është raportuar të ketë ndodhur në fshatin Gexhë në komunën e Rahovecit, ku në një aheng familjar është...

Në gjendje të dehur i sulmon dy gra në Prizren, arrestohet i dyshuari

Të shtunën gjatë mesnatës një burrë i dehur i ka sulmuar fizikisht dy gra në Prizren. Sipas raportit të policisë, viktimat kanë pranuar trajtim mjekësor. Ndërsa...

Lajmet e Fundit