Malisheva nis debatet publike për buxhetin e vitit 2025

Komuna e Malishevës ka nisur sot procesin e debatit publik për hartimin e buxhetit për vitin 2025, me synimin për të rritur transparencën dhe përfshirjen e qytetarëve në vendimmarrje.

Siç bëhet e ditur nga njoftimi i komunës, në takimin e parë të organizuar nga Drejtoria për Buxhet dhe Financa, drejtori Blerim Thaçi prezantoi qarkoren buxhetore, duke theksuar se “ajo ka arritur me një muaj vonesë nga ministria përkatëse.” Sipas qarkores së dytë buxhetore, buxheti i planifikuar për vitin e ardhshëm arrin në 21.576.545 euro, nga të cilat 6.063.143 euro janë paraparë për investime kapitale.

Gjatë takimit, kryetarët e Këshillave Lokal theksuan nevojat për përmirësime në infrastrukturë për shkak të “rritjes së numrit të shtëpive të banimit dhe kërkesave për ndërtimin e kanalizimeve, rrugëve, ndriçimit dhe çështjeve tjera të infrastrukturës.”

Drejtori Thaçi siguroi se “prezantimi dhe diskutimet për buxhetin do të vazhdojnë edhe me grupet e tjera të interesit,” për të garantuar që buxheti të reflektojë sa më mirë nevojat e qytetarëve të Malishevës./PrizrenPress.com

Marketing

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Restoranti familjar “Sofra” shpall konkurs për vende të lira pune