Kryetari i Komunës së Dragashit, Bexhet Xheladini, priti sot në takim komandantin e Kontingjentit Turk të Kazermës “Sultan Murat”, Kolonelin Zafer Saglam, të shoqëruar nga komandanti i Njësisë LMT në Dragash, Kapiteni Müslüm Albayrak. Në këtë takim, u diskutua për bashkëpunimin e ngushtë ndërmjet Komunës së Dragashit dhe institucioneve përfaqësuese të Republikës së Turqisë në Kosovë, pëcjell PrizrenPress.
Gjatë takimit, Xheladini ofroi një prezantim të strukturës politike dhe administrative të komunës, duke falënderuar Kolonelin Sa?lam për vizitën dhe për interesimin e treguar për bashkëpunim. Ai shprehu mirënjohje të veçantë për ndihmën e vazhdueshme që Njësia LMT e Dragashit ka ofruar për qytetarët e komunës.
“Shpreha mirënjohjen e tij të thellë për gjithë ndihmën e deritashme që kanë ofruar këto institucione,” tha kryetari Xheladini gjatë fjalës së tij.
Në takim, të dy palët u dakorduan për thellimin e mëtejshëm të bashkëpunimit, duke theksuar rëndësinë e ofrimit të mbështetjes sa më të madhe për komunitetin e Dragashit./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
