Sanije Haxhiu nga Drenoci i Rahovecit, nëna e tre luftëtarëve të lirisë, ka ndërruar jetë. Ajo ishte gruaja e Avdyl Sherif Haxhiut dhe rriti fëmijët e saj në një mjedis të përkushtuar për atdheun.
Kryetari i Rahovecit, Smajl Latifi, shprehu pikëllimin e tij për këtë humbje të madhe. “Me pikëllim të madh mora lajmin për ndarjen nga jeta të Sanije Haxhiut nga Drenoci (bijë nga Ratkoci), gruaja e Avdyl Sherif Haxhiut dhe nëna e luftëtarëve të lirisë: Sherifit, Minirit dhe Muharem Haxhiut. E ndjera ishte një nënë e fortë dhe e përkushtuar, e cila rriti dhe edukoi bijtë e saj që u rreshtuan në rrugën e sakrificës për atdheun. Humbja e saj lë një boshllëk të madh, por trashëgimia e saj mbetet një frymëzim për të gjithë ne”, tha ai.
Latifi i shprehu ngushëllimet më të sinqerta familjes Haxhiu, farefisit dhe të gjithë atyre që e njihnin dhe e vlerësuan Sanijen./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
