Drejtoria e Punës dhe Mirëqenies Sociale në Komunën e Prizrenit organizoi sot hapjen e fushatës “16 ditë aktivizim kundër dhunës në familje”. Ky aktivitet ka për qëllim rritjen e ndërgjegjësimit dhe promovimin e angazhimit të institucioneve dhe shoqërisë për parandalimin dhe trajtimin e dhunës në familje, përcjell PrizrenPress.
Në këtë ngjarje morën pjesë zyrtarë të institucioneve të ndryshme që merren me këtë çështje, duke përfshirë autoritete të drejtësisë, policisë, shëndetësisë, arsimit, qytetarë dhe organizata të tjera të angazhuara në mbrojtjen e viktimave të dhunës në familje.
“Kjo fushatë ka qëllim ta ngrejë zërin për t’i mbështetur të gjithë ata që përballen me dhunën dhe të nxisë veprime të koordinuara për ta luftuar këtë dukuri të dëmshme”, thuhet në njoftimin zyrtar të komunës./PrizrenPress.com/
Përjetoni pushime të paharruar dhe dasma magjike në Hotel “Albes Residence”
