Pas largimit të Maliek White, Bashkimi është hedhur në ‘gjah’ për ta mbuluar boshllëkun e lojtarit amerikan.
Siç ka mësuar AsistiOnline.com, prizrenasit janë në bisedime të avancuara me basketbollistin amerikan, Wes Clark një lojtar me karrierë tejet të pasur.
Clark mund të vije në Prizren nga Superliga turke, pas përvojës së fundit që ka pasur me Yalovan, ku në 8 ndeshje ka pasur 6.8 pikë.
Para Yalovas në Turqi, dy edicione rresht Clark kishte luajtur në Bundesligën gjermane me Niners Chemnitz dhe Rostock.
Lojtari ka përvojë edhe në Serie A të Italisë me Venezian dhe Brindisin, derisa ka bërë karrierë edhe me Limoges në ligën elite të Francës.
Gjatë orëve e ditëve në vijim kjo marrëveshje mund të konkretizohet.
Përjetoni pushime të paharruar dhe dasma magjike në Hotel “Albes Residence”
