Aksident fatal në Prizren, këmbësori humb jetën pasi u godit nga vetura

Një aksident trafiku me pasojë fatalitetin ka ndodhur mbrëmë në rrugën “Ekrem Rexha” në Prizren. Një veturë me targa sllovene, e drejtuar nga i dyshuari V.S. (1987), ka goditur një këmbësor, S.K. (1965), i cili po kalonte rrugën jashtë vendkalimit të shënuar për këmbësorë.

Këmbësori u godit nga pasqyra e majtë e veturës, e cila po lëvizte në shiritin e majtë të rrugës me dy shirita në një kahje. Si pasojë e goditjes, viktima pësoi lëndime të rënda trupore dhe u dërgua fillimisht në Emergjencën e Spitalit të Prizrenit. Për shkak të gjendjes së rënduar, ai u transferua për trajtim të mëtejshëm në Qendrën Klinike Universitare të Kosovës (QKUK) në Prishtinë, ku më pas ndërroi jetë.

Prokurori kujdestar ka urdhëruar ndalimin e ngasësit të dyshuar, ndërsa trupi i pajetë i viktimës është dërguar për ekzaminim në Institutin e Mjekësisë Ligjore për hetime të mëtejshme.

Lajmin për RTV Besa e ka konfirmuar zëdhënësi i Policisë Rajonale të Prizrenit, Shaqir Bytyqi./PrizrenPress.com/

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri