Shefi i Shtabit Zgjedhor i Nismës Socialdemokrate në Prizren, Edin Shehu, ka deklaruar se ky subjekt politik është maksimalisht i përgatitur për fushatën e zgjedhjeve të 9 shkurtit, ku është pjesë e koalicionit me Aleancën për Ardhmërinë e Kosovës.
Sipas tij,mobilizimi brendapartiak ka nisur kohë më parë dhe synojnë arritjen e objektivave bashkë me partnerin e koalicionit.
“Platforma zgjedhore e Nisma Socialdemokrate ka në fokus zhvillimin ekonomik të vendit, që ndikon drejtëpërdrejt në ngritjen e mirëqenies së qytetarëve”, tha ai.
Shehu tha se janë në mbështetje maksimale të dy kandidatëve nga Prizreni për deputetë, Zafir dhe Shukrije Berisha.
Ai shpreht optimist se pas katër vitesh, ky subjekt politik do të përfaqësohet në organin më të lartë legjislativ të vendit dhe me përfaqësues nga Prizreni.
Koalicioni AAK-NISMA-Lista Konservatore në zgjedhjet e 9 shkurtit do të garojë nën numrin 137./TV Prizreni/
Marketing
