Bakaj: Prizreni do të garojë denjësisht në Ligën e Parë

Prizreni ka debutuar me barazim në Ligën e Parë të Kosovës, duke ndarë pikët me Trepçën ’89. Ndeshja e zhvilluar në stadiumin “Përparim Thaçi” përfundoi 1-1, rezultat që u përshëndet nga tifozët prizrenas për paraqitjen e ekipit vendas.

Skuadra e drejtuar nga trajneri Bekim Bakaj kaloi në epërsi, por në minutën e 40-të mysafirët barazuan shifrat nga një goditje e lirë. Pjesa e dytë foli më shumë për prizrenasit, të cilët patën raste për të fituar, por pa arritur të realizojnë, raporton PrizrenPress.

“Jam krenar për lojtarët e mi. Ishim shumë të motivuar dhe arritëm të kalojmë në epërsi 1-0. Për fat të keq, nga një goditje e lirë në minutën e 40-të kundërshtari barazoi rezultatin. Megjithatë, gjatë gjithë lojës e patëm iniciativën, krijuam raste të shumta dhe në shumë momente ishim më të mirë në fushë. Sot treguam se FC Prizreni është i gatshëm të garojë denjësisht në Ligën e Parë. Falënderoj nga zemra të gjithë futbollistët për maksimumin e dhënë, stafin e trajnerëve për punën e palodhur dhe tifozët e shumtë që na përkrahën pa u ndalur”, deklaroi trajneri Bekim Bakaj, pas ndeshjes.

Edhe kapiteni i ekipit, Ylli Myrtezani, ndau emocionet e tij. “Ky ishte një emocion i madh për të gjithë ne – ndeshja jonë e parë kampionale në Ligën e Parë. Patëm përballë një kundërshtar me përvojë dhe traditë si Trepça ’89, por treguam se nuk kemi frikë nga askush. Kishim raste të fitojmë, por futbolli është i tillë. Rezultati 1-1 është vetëm fillimi, ne do të punojmë edhe më shumë për t’u dhënë tifozëve tanë fitore të tjera”.

Në fund, klubi përcolli një mesazh falënderimi për tifozët: “Faleminderit nga zemra për përkrahjen e madhe në stadiumin ‘Perparim Thaçi’. Ju jeni forca jonë dhe me ju pranë, FC Prizreni do të vazhdojë rrugëtimin drejt sukseseve të mëdha”./PrizrenPress.com

Marketing

Banesat më të kërkuara në Prizren – Bëhu pronar në Foleja Residence!

Mos e humb verën – udhëto me Halimaj Reisen!

Hotel Albes Residence – Qetësi, komoditet dhe evente të paharrueshme në zemër të Korishës së Prizrenit

Freski e përditshme me çmim të zbritur – zgjidh aparatet e ujit Bruno!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Bruno & Brentoni Home me super oferta që nuk duhen humbur në Prizren!

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren