21.5 C
Prizren
E premte, 14 Mars, 2025

Vëzhguesit evropianë vlerësojnë pozitivisht zgjedhjet

Vezhguesit evropianeMisioni i Bashkimit Evropian për vëzhgimin e zgjedhjeve lokale në Kosovë e vlerësoi me notë pozitive procesin e votimit në raundin e dytë.Sipas tyre, në përgjithësi, integriteti i votës është mbrojtur mjaftueshëm, por kishte edhe raportime të fotografimit të fletëvotimit dhe raste të votimit familjar.

“Me këto zgjedhje, Kosova po shënon përparim të mëtejmë në rrugën e saj demokratike.

Shpresoj që këto zhvillime inkurajuese që i kemi vërejtur gjatë këtyre zgjedhjeve do të vazhdojnë deri në fund të procesit dhe se ato do të vënë themelet e forta të zhvillimit të ardhshëm demokratik të Kosovës”, tha Roberto Gualtieri, Shef i Misionit, me rastin e publikimit të deklaratës preliminare të misionit.

“Suksesi i këtyre zgjedhjeve gjithashtu shënon një hap të rëndësishëm në zbatimin e Marrëveshjes së 19 prillit ndërmjet Prishtinës dhe Beogradit”, shtoi ai.
Vëzhguesit e BE-së kanë qenë të pranishëm në tërë Kosovën për dy muaj.

Deklarata e tyre preliminare mbulon zhvillimet që nga raundi i parë i zgjedhjeve.

Ambienti i përgjithshëm politik ishte i qetë në ditën e balotazhit, vlerëson Gualtieri ndonëse shton që “kishte tensione dhe pretendime të presioneve ndaj votuesve dhe blerjes së votave në disa komuna”.

Më Shumë

ATK mbledh 184.3 milionë euro tatime në dy muajt e parë të këtij viti

Administrata Tatimore e Kosovës, ka ndarë arritjet për vitin e ri fiskal. Sipas një njoftimi për media, ATK ka theksuar se viti i kaluar ishte...

E diela kryesisht me diell, temperaturat deri në 19 gradë Celsius

E diela do të jetë kryesisht me diell.   Sipas parashikimit të Institutit Hidrometeorologjik të Kosovës, temperaturat minimale pritet të jenë nga zero e deri në...

Lajmet e Fundit