Tre persona të dy agjencive turistike në Prizren janë arrestuar për shkak se kanë lëshuar teste të falsifikuara negative të COVID-19 për qytetarët që jetojnë jashtë Kosovës.
Në rastin e parë, gjatë kontrollit janë konfiskuar katër shtëpiza kompjuteri, një telefon mobil dhe gjashtë teste PCR të dyshuara për falsifikim. Ndërkaq me urdhër të prokurorit i dyshuari është dërguar në mbajtje.
Në rastin e dytë janë arrestuar një femër dhe një mashkull kosovarë nën dyshimin e bazuar se të njëjtit në agjencive turistik ishin duke lëshuar teste PCR Covid-19 të falsifikuara (negative) për qytetarët që jetojnë jashtë Kosovës.
Gjatë kontrollit janë konfiskuar pesë shtëpiza kompjuteri, tre telefona mobil dhe katër teste PCR të dyshuara për falsifikim. Me urdhër të prokurorit të dyshuarit janë dërguar në mbajtje.