Të enjten është përfshirë nga zjarri xhamia e vjetër në Mamushë.
Rastin për Klankosova.tv e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.
Ai shtoi se shkaqet e zjarrit dyshohet se janë si pasojë e energjisë elektrike.
“Me datën 07.03.2024 rreth orës 14:00 ne SP Mamushë kemi marrur informatë për një incident zjarri ne xhaminë e vjetër ne Mamushë, në vendngjarje ka dalur patrulla dhe Hetimet e stacionit ,gjithashtu ekipi i forenzikës nga Suhareka dhe Inspektoret Komunal të zjarreve nga ekipi zjarrfikës është lokalizuar zjarri, për momentin shkaqet nuk dihen por dyshohet si pasoj e rrymës elektrike. Dëmet janë te natyrës materiale”, u shpreh Bytyqi.
Ai bëri me dije se rasti është nën hetime.
