Lidhja Demokratike e Kosovës, dega në Suharekë, ka shprehur shqetësimin e saj të thellë për rrezikun që mund të vijë nga kualiteti i dobët i punimeve në segmentin e rrugës “Skënderbeu”.
LDK thekson se asnjë rregullore e punës nuk lejon lënien e kabllove të rrymës të paizoluara dhe të pa siguruara në një trotuar, i cili do të përdoret nga shumë qytetarë, përfshirë edhe nxënësit e shkollave.
“Nuk mund të lejojmë të rrezikohet jeta e fëmijëve për shkak të keqmenaxhimit të institucioneve komunale,” thuhet në komunikatën e LDK-së në Suharekë.
“Qytetarët tanë po vuajnë nga kjo qeverisje, pasi kryetari aktual dhe një grup i vogël individësh rreth tij po e trajtojnë institucionin e Komunës si pronë private, duke vepruar sipas tekeve dhe interesave individuale, pa respektuar standardet minimale në punë,”.
LDK apelon për një menaxhim më të përgjegjshëm dhe transparent nga institucionet komunale, në mënyrë që të sigurohet një ambient të sigurt për të gjithë qytetarët./PP/
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
