Kryetari i Komunës së Prizrenit, Shaqir Totaj, së bashku me drejtoreshën e DKA-së, Luljeta Veselaj – Gutaj, morën pjesë sot në një takim të rëndësishëm për parandalimin e bullizmit, një fenomen që vazhdon të shqetësojë shkollat e qytetit.
Ky aktivitet shërbeu si një platformë bashkëpunimi për të mbrojtur nxënësit dhe për të promovuar një ambient më të sigurt në shkolla.
Takimi u karakterizua nga një pjesëmarrje e gjerë, duke përfshirë nxënës, mësimdhënës, psikologë, prindër, si dhe përfaqësues të organizatave të shoqërisë civile, si Shoqata Kosovare për Psikodiagnostikë dhe Psikoterapi dhe Aleanca Kundër Bullizmit. Pjesëmarrësit kontribuuan me ide dhe strategji për të adresuar këtë dukuri shqetësuese.
Totaj shprehu angazhimin e Komunës për të krijuar një mjedis edukativ të sigurt dhe mbështetës.
Ai theksoi se bullizmi është një problem që kërkon vëmendjen dhe angazhimin e të gjithëve, duke inkurajuar bashkëpunimin midis institucioneve, prindërve dhe shoqërisë civile.
“Ne jemi të përkushtuar për të siguruar një ambient ku çdo nxënës ndihet i sigurt dhe i respektuar. Kjo është përgjegjësia jonë kolektive,” tha ai./PP/
Marketing
Përjetoni pushime të paharruar dhe dasma magjike në Hotel “Albes Residence”