Në kuadër të aktiviteteve për shënimin e 17-vjetorit të Pavarësisë së Kosovës, kryetari i Komunës së Prizrenit, Shaqir Totaj, bashkë me zyrtarë komunalë, familjarë të dëshmorëve, përfaqësues të organizatave të dala nga lufta e Ushtrisë Çlirimtare të Kosovës (UÇK), si dhe qytetarë, kanë zhvilluar homazhe në Varrezat e Dëshmorëve në Landovicë.
Gjatë ceremonisë përkujtimore, u vendosën kurora lulesh në nderim të atyre që sakrifikuan jetën për lirinë e shtetësinë e Kosovës, për të mos harruar të kaluarën e lavdishme dhe për të ndërtuar një të ardhme të sigurt e të zhvilluar.
Lavdi dëshmorëve, martirëve dhe heronjve të gjallë!/PrizrenPress.com/
