Bashkimi i Prizrenit ka prezantuar zyrtarisht përforcimin më të ri për sezonin 2025/26, qendrën amerikane De’Quon Lake, një lojtar me përmasa dhe përvojë të jashtëzakonshme, që pritet të bëhet shtyllë e rëndësishme në zonën e trapezit.
“Me shumë kënaqësi prezantojmë qendrën De’Quon Lake (208 cm) si përforcimin më të ri për sezonin 2025/26!” – thuhet në njoftimin e klubit, raporton PrizrenPress.
Lake vjen në Prizren me një karrierë mbresëlënëse ndërkombëtare. Ai ka filluar rrugëtimin e tij profesionist në Hungari me ekipin Falco Szombathely, ku ka fituar Kupën dhe Kampionatin, si dhe është paraqitur në Basketball Champions League. Më pas ka qenë pjesë e ekipeve: Tsmoki-Minsk (Bjellorusi), Oklahoma City Blue (G-League, SHBA), Humacao (Porto Riko), Czarni Slupsk (Poloni), SZTE Szeged (Hungari) dhe së fundmi Atomeromu Paks (Hungari).
Gjatë sezonit të fundit me Atomeromu Paks (2024/25), Lake ka regjistruar mesatarisht 9.2 pikë dhe 7.1 kërcime për ndeshje, me 69.1% saktësi në gjuajtje, duke dëshmuar efikasitet të lartë dhe prezencë dominuese në zonë.
“Ai sjell fuqinë fizike, eksperiencën dhe prezencën e fortë në zonën e trapezit, armë të vlefshme për sfidat që na presin!” – theksohet në njoftim.
Bashkimi i ka uruar mirëseardhje “gjigantit amerikan” që pritet të bëhet një prej pikave kyçe të ekipit./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
