Prizreni ka përfunduar javën e gjashtë në Raiffeisen Ligën e Parë pa asnjë fitore, duke regjistruar tre barazime dhe tri humbje. Starti i sezonit ka treguar vështirësi për skuadrën prizrenase, e cila ende nuk po gjen formulën e duhur për të marrë tri pikë, raporton PrizrenPress.
Në javën e parë, Prizreni barazoi 1-1 në shtëpi ndaj Trepçës ’89, ndërsa në javën e dytë pësoi një humbje të rëndë 0-3 nga Trepça. Seria negative vazhdoi në javën e tretë me disfatën 3-0 ndaj Ramiz Sadikut, e më pas edhe në javën e katërt ku u mund 1-3 nga Vëllaznimi në Prizren.
Shpresa për ringritje u pa në javën e pestë me barazimin 1-1 në transfertë ndaj Besës së Pejës, ndërsa edhe në javën e gjashtë skuadra arriti një tjetër barazim, këtë herë 1-1 në shtëpi përballë Kikës.
Pas këtyre rezultateve, Prizreni ka grumbulluar vetëm 3 pikë nga 18 të mundshme, duke u renditur në pjesën e poshtme të tabelës.
Megjithatë, tifozët prizrenas vazhdojnë të mbështesin ekipin, duke shpresuar që në javët e ardhshme skuadra të sjellë kthesën e shumëpritur në Ligën e Parë./PrizrenPress.com
Marketing
9-shi i GUXO-s – Flora Sinani kërkon besimin e qytetarëve të Prizrenit në zgjedhjet e 12 tetorit
20-shi i LDK-së, Fejzë Kabashi, kandidat për Kuvendin e Prizrenit
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
