Balotazhi i Prizrenit – test i besimit dhe i pjekurisë politike

Kujtim S. Gërmizaj

Raundi i dytë i zgjedhjeve lokale në Prizren, që do të mbahet më 9 nëntor 2025, nuk do të përcaktojë vetëm kryetarin e ri të qytetit, por edhe drejtimin që do ta marrë Prizreni për katër vitet e ardhshme.

Qytetari, jo partia, do ta përcaktojë fituesin.
Në Prizren, votuesi ka treguar se nuk është peng i asnjë strukture politike. Gjithnjë e më shumë qytetarë të pavarur, të rinj dhe profesionistë po shndërrohen në faktorë të heshtur, por vendimtarë në përcaktimin e rezultatit.

Edhe pse jashtë garës së balotazhit, LDK mbetet faktor kyç. Elektorati i saj, i shpërndarë në qytet dhe në fshatra, tradicionalisht ka qenë racional dhe kërkon stabilitet. Por këtë herë, vota e tij mund të jetë vendimtare dhe e paparashikueshme.

Bashkë me mijëra qytetarë që abstenuan në raundin e parë, këta votues do të përcaktojnë se kush do ta udhëheqë Prizrenin në katër vitet e ardhshme. Në këtë kontekst, asnjë marrëveshje e fshehtë politike nuk ka peshë pa legjitimitetin e qytetarit. Vota e lirë, e menduar dhe e përgjegjshme, do të jetë faktori që do të bëjë diferencën.

Dy javët e fundit të fushatës do të jenë thelbësore për ndërtimin e besimit dhe qartësisë. Qytetarët duan të dëgjojnë përgjigje të drejtpërdrejta për çështje konkrete: zhvillimin e ekonomisë lokale, menaxhimin e trafikut dhe planifikimin urban, promovimin e turizmit dhe trashëgimisë kulturore, si dhe transparencën në përdorimin e parasë publike.

Nëse kandidatët flasin për njerëzit, jo për partitë, fitues do të jetë Prizreni.

Kushdo që do të fitojë më 9 nëntor, duhet ta kuptojë se mandati nuk është shpërblim, por përgjegjësi. Qytetari kërkon një kryetar që nuk flet vetëm për 30 ditë, por punon për 1 400 ditë. Një njeri që ecën me njerëzit, jo mbi ta.

Prizreni ka qenë gjithmonë barometër i ndryshimeve politike në Kosovë. Tani ka rastin të dëshmojë se është edhe shembull i pjekurisë qytetare – se ndëshkon arrogancën dhe shpërblen sinqeritetin.

23 tetor 2025

Marketing

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren