FC Prizreni po vazhdon të konkretizojë projektin e ndërtimit të skuadrës mbi bazën e futbollistëve të dalë nga akademia e klubit. Pas promovimit të 16-vjeçarit Amar Bajraktari në ekipin senior, klubi ka konfirmuar edhe vazhdimin e bashkëpunimit me 18-vjeçarin Azem Islami.
Islami, produkt i Shkollës së Futbollit të FC Prizrenit, ishte pjesë e ekipit senior edhe sezonin e kaluar në Ligën e Parë, ku fitoi përvojë të vlefshme dhe u dallua si një nga talentet me perspektivë të futbollit prizrenas.
I aftë të luajë si mbrojtës i majtë dhe mesfushor qendror, 18-vjeçari vlerësohet për polivalencën, teknikën dhe goditjen e fuqishme me këmbën e majtë, ndërsa drejtuesit e klubit e shohin si një pjesë të rëndësishme të projektit afatgjatë.
Në njoftimin e klubit theksohet se besimi ndaj futbollistëve vendorë do të mbetet prioritet.
“FC Prizreni mbetet besnik projektit të tij, duke u dhënë besim dhe hapësirë futbollistëve të rinj vendorë, të cilët janë e ardhmja e klubit dhe e futbollit të Prizrenit”, thuhet në njoftim.
Me promovimin e Bajraktarit dhe konfirmimin e Islamit, FC Prizreni vijon të dërgojë një mesazh të qartë se e ardhmja e klubit do të ndërtohet mbi talentet e dala nga akademia dhe futbollistët e qytetit./PrizrenPress.com/
Marketing
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
Hapësira me qira në objektet e reja te ‘RENELUAL TAHIRI’ në Prizren
