Deputeti i VV-së, Artan Abrashi, ka bërë me dije se Qeveria dhe BE-ja nuk po flasin për Asociacionin e Komunave me Shumicë Serbe.
Në profilin e tij në “Facebook”, ai ka shkruar se Borrel dhe Lajçak në deklarimet e fundit nuk e kanë përmendur fare këtë çështje.
Asociation “Loyola–Gymnasium” shpall konkurs për regjistrimin e nxënësve të rinj
Sipas tij, për çështjen e Asociacionit po flasin vetëm partitë opozitare.
“Qeveria nuk po flet për asociacionin. Lajcak mbrëmë tha se asociacioni nuk është në agjendë. Borrel në konferencën për media pas takimit të 27 shkurtit foli 10-15 minuta pa e përmendur as edhe një herë asociacionin. Ironikisht, në Kosovë për asociacionin dhe rrezikun prej tij flasin më së shumti ata të cilët e kanë nënshkruar, votuar dhe arsyetuar gjatë krejt këtyre viteve”, ka shkruar Abrashi.
Deputeti i VV-së duket se ka harruar presionin e të gjithë aleatëve perëndimor që Kosova duhet ta zbatojë marrëveshjen për formimin e Asociacionit.