Gjashtë kandidatë do të garojnë për postin e rektorit të universitetit ‘Hasan Prishtina”. Shumica prej tyre kanë kandiduar të premten në momentet e fundit të mbylljes së konkursit.
Gazeta “Koha Ditore” ka mësuar se në mesin e tyre janë edhe ushtruesi i detyrës së rektorit, Anton Berishaj, si dhe anëtari i Këshillit Drejtues, Behxhet Mustafa. Ndërkaq, katër të tjerët janë: Adem Nura, Ramadan Zejnullahi, Berim Ramosaj dhe Isuf Musliu, të gjithë profesorë të UP-së.
Për Behxhet Mustafën, burime të gazetës kanë thënë se e ka ngrirë postin e anëtarit të Këshillit, meqë e kundërta do të përbënte konflikt interesi.
Synimi i postit të rektorit për të dytën herë nga Berishaj vlerësohet si sfidues. Puna e tij gjashtëmujore është vlerësuar e pjesshme nga ekspertë të arsimit, por edhe nga përfaqësues të organizatave studentore..