Për natën e dytë të edicionit të 23 të “Dokufestit”, deri në orën 15 të pasdites janë shitur 1000 bileta.
Filmdashësit nga vende të ndryshme të botës vazhdojnë të vijnë në Prizren, për të përcjellë rrjedhën e festivalit të filmit dokumentar dhe të shkurtër që nisi më 2 gusht.
Në Dokushop, ka interesim të madh të filmdashësve të huaj dhe vendor për t`u pajisur me bileta të filmave që po shfaqen në kinematë e këtij edicioni.
“Sot është dita e tretë që Dokushop është i hapur, interesimi është i madh për filma, sidomos të atyre internacional, filmi që ka interesim më shumë gjatë ditës së sotme është filmi Skrebëll… bashk me edicionin e performancës mbrëmë ka bileta të shitura për mbi 1000 persona”, ka thënë Enis Shkurti – Koordinator i Dokushop.
Producentja e festivalit, Alba Çakalli, tha se në natën e dytë të Dokufestit është paraparë një program i larmishëm i kombinuar me filma dhe muzikë.
“Sonte fillojmë programin e filmave të shkurtër, kemi disa kategori të filmave që do të shfaqen në kinema të hapura, gjithashtu në orën 5 fillon episodi i parë i “DokuToks” që mbahet tek Shani Efendia, ndërsa natën është edhe performanca e “Forti sevën soll” që mbahet në kuadër të “DokuNights” që do të vazhdojë edhe netët në vijim”
Edicioni i 23 i festivalit DokuFest nisi dje dhe do të vazhdojë deri më 10 gusht. Në tetë kinematë, 5 të hapura dhe tri të mbyllura, do të shfaqen 250 filma të përzgjedhur nga 3 mijë aplikime nga mbarë bota. 103 prej tyre janë në garë në tetë kategori garuese./rtk/
Marketing
Kompania “G&M Stone”, lidere në përpunimin dhe prodhimin e gurëve në Kosovë
Kompleksi ‘Newco Elan’ ofron banesa të ëndrrave tuaja në zemër të Prizrenit
