Kryetarja e Gjykatës Themelore në Prizren, Shpresa Emra, ka falënderuar drejtorin e policisë në këtë qytet, kolonelin Faton Alija, për bashkëpunimin dhe mbështetjen e vazhdueshme ofruar gjykatës.
“Policia e Kosovës luan një rol të rëndësishëm në bashkëpunimin direkt me gjykatën, dhe ofrimin e mbështetjes në punën e përditshme”, tha ajo.
“Zbatimi i kërkesave për verifikim, zbatimi i Urdhëresave për sjellje të palëve në seanca gjyqësore, përmbushja e urdhëresave për ekzekutimin e dënimeve, dhe siguria që ofron policia në seanca gjyqësore, dhe objektit të gjykatës, janë disa nga punët dhe veprimet që cilat garantojnë punë efikase dhe shërbime cilësore edhe për qytetarët që marrin shërbime në gjykatë”, u shpreh ajo./PrizrenPress.com/
