Lajmin e konfirmoi vajza e tij, Kirsten Casale Aly, e cila përmes një postimi në Instagram, deklaroi se babai i saj, ndërroi jetë paqësisht më 29 shtator.
“Bota ka humbur një nga njerëzit më të mëdhenj që ka njohur ndonjëherë – dhe unë kam humbur babanë tim. Babai im ishte dikush që njerëzit e quanin hero. Ai ishte një aktor, shkrimtar, trajner, mentor, familjar dhe udhëheqës. Ai krijoi një valë të fuqishme ndikimi pozitiv kudo që shkoi. Ndikimi që ai pati tek të tjerët është diçka që nuk e kam parë kurrë te asnjë person tjetër – kishte diçka vërtet magjike tek ai. Kështu e njohu bota”, deklaroi Kirsten në postimin e saj, duke ndarë po ashtu një sërë imazhesh me të.
Ron Ely e nisi karrierën e tij në role dytësore në filma të shumtë.
Sidoqoftë, ai fitoi popullaritet në vitin 1966 kur portretizoi rolin e Tarzanit, një seri e NBC. Aktori i ka bërë vetë shumicën prej dublave, duke çuar në lëndime të shumta trupore. /Telegrafi/
Marketing
Përjetoni pushime të paharruar dhe dasma magjike në Hotel “Albes Residence”
