Nën përkujdesjen e Komitetit për Politikë dhe Financa (KPF), sot në sallën e Kuvendit Komunal të Prizrenit u mbajt një dëgjim publik me qytetarët, ku u diskutua hartimi i buxhetit për vitin 2025.
Kryesuesja e Kuvendit Komunal, Antigona Berisha Bytyqi, përshëndeti dhe falënderoi të gjithë qytetarët e pranishëm për pjesëmarrjen e tyre dhe kontributin e dhënë me kërkesat e tyre për realizimin e projekteve nga Komuna gjatë vitit të ardhshëm.
Kërkesat e paraqitura nga qytetarët u fokusuan kryesisht në përmirësimin e infrastrukturës rrugore, ndërtimin e kanalizimeve, ndriçimin publik, rregullimin e hapësirave në disa shkolla dhe zhvillimin e aktiviteteve kulturore.
Buxheti i vitit 2025 pritet të jetë një bashkëpunim ndërmjet qytetarëve dhe Komunës, duke synuar përmirësimin e cilësisë së jetesës në të gjitha fushat e jetës.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit