-1.2 C
Prizren
E hënë, 6 Shkurt, 2023

“ShqipFilmFest” mbledh kineastët në Gjakovë

ShqipFilmFestSonte vazhdon gara me pesë filma tjerë që kanë zbarkuar nga Tirana, Norvegjia, Kosova. Kineastë, mysafirë, emra të ekranit shqiptarë nga të gjitha anët janë mbledhur në Gjakovë dhe po e ndjekin nga afër.

Amfiteatri i shkollës së muzikës “Prenk Jakova“ është mbushur mbrëmë me entuziazëm artistik në ekranin e madh kinematografik të filmit të shkurtër.

Projeksionet e para që kanë hapur perdet e këtij edicioni filmik sollën frymë, atmosferë, mundësi dhe frymëzim artistik për publikun e Gjakovës.

Tematikat që trajtonë filmat si “Aksidenti“, “Djepi“, “Daja“, “Përtej“ “E dashur Nita“ mbrëmë kanë reflektuar dinamikë konkuruese për ekranin dhe kineastët pjesëmarrës.

Sipas organizatorëve këto formate janë të konceptuara dhe trajtuara sidomos nga aspekti psikologjik. Sipas tyre aktrimi, idetë, përzgjedhja e temave në rrethana vendore, e bëjnë të veçantë ekranin e festivalit.

Publiku do të ketë rast për t`u inkudruar drejtpërdrejt në debate ku do të mund të thotë mendimin e tyre. Është kjo një mundësi dhe gjetje që do t`i bënte mirë secilit në sallë.

Sonte vazhdon gara me pesë filma tjerë që kanë zbarkuar nga Tirana, Norvegjia, Kosova. Interesi është vërtetë në rritje. Kineastë, mysafirë, emra të ekranit shqiptar nga të gjitha anët janë mbledhur në Gjakovë dhe po e ndjekin nga afër.
Drejtori Reshat Alija, dhe ekipi i tij që nga Liridon Nikçi dhe të tjerët sidomos stafi i të rinjve i kanë dhënë kuptim qenësor festivalit.

Juria e festivalit janë në përbërje: Genc Berisha, regjisor, Azem Bujupi, aktor, Agron Krasniqi, aktor, Alban Makolli, aktor, Yllka Kuçi, muziciente, Ylber Murtezi, aktor, Edi Kastrati,aktor./KultPlus.com/

Më Shumë

Raporti i “Transparency International”: Kosova ka përparuar në luftën ndaj korrupsionit, por s’e ka nën kontroll

Në raportin e organizatës ndërkombëtare “Transparency International” për vitin 2022, të publikuar të martën, Kosova renditet në vendin e 84-të me 41 pikë në...

Fansat shokohen me ‘fytyrën e re’ të Madonnas në ‘Grammy Awards’

Madonna befasoi me fytyrën e saj tepër të lëmuar kur u ngjit në skenën e mbushur me yje si prezantuese në 65-të vjetorin e...

Lajmet e Fundit