Romani “Gra të paepura” të autorit Qemajl Krasniqi, promovohet sot në Prizren.
Promovimi mbahet në librarin “Altera”, në orën 18:00.
Studentët e diplomuar në Türkiye u takuan në Prizren
Në qytetin e Prizrenit është mbajtur takimi i studentëve të diplomuar në Türkiye, nga Presidenca e Türkiyes për Turqit Jashtë Vendit dhe Komunitetet Mike (YTB), raporton Anadolu.
Në këtë aktivitet morën pjesë kreu i Bordit drejtues të Fondacionit “?lim Yayma”, Necmettin Bilal Erdogan, ministri i Zhvillimit Rajonal dhe kryetari i Partisë Demokratike Turke të Kosovës (KDTP), Fikrim Damka, ambasador i Türkiyes në Prishtinë, Sabri Tunç Ang?l?, nënkryetari i YTB-së, Abdulhadi Turus, deputetët e KDTP-së, Fidan Brina J?lta dhe Enis Kervan, ndërsa po ashtu pjesëmarrës ishin edhe përfaqësues të institucioneve dhe organizatave turke në vend, përfaqësues të organizatave joqeveritare, të diplomuar turq dhe të ftuar tjerë.
Në fjalën e tij, Bilal Erdogan tha se Türkiye sot pret më shumë se 300 mijë studentë ndërkombëtarë për shkak të avantazheve që ofron.
“Türkiye është bërë tashmë një nga qendrat e rëndësishme të tërheqjes për studentët ndërkombëtarë me mikpritjen e saj, infrastrukturën e saj të forcuar që është zhvilluar vitet e fundit dhe zhvillimet e saj në arsim, shëndetësi, transport dhe shumë fusha të tjera. Ju e keni përjetuar këtë nga dora e parë. Jam i sigurt se ju ua tregoni dhe rekomandoni arsimin në Türkiye të tjerëve përreth jush dhe jam i sigurt se shumë nga vëllezërit dhe motrat tona në Kosovë po e vënë Türkiyen në agjendën e tyre për arsim sot”, tha Erdogan, i cili po ashtu në fjalën e tij foli edhe për veprat e Fuat Sezginit.
Ministri i Zhvillimit Rajonal të Kosovës, Damka tha se ai ishte ndër kosovarët e parë që diplomoi në universitetet turke.
“Uroj që Zoti ta bekojë popullin e Republikës së Türkiyes dhe Anadollit për mbështetjen që na kanë dhënë neve, ku kemi studiuar me taksat e tyre ndërsa jemi kthyer në të ashtuquajturën gjeografinë e zemrave të tyre, ku ata ende përpiqen të shërbejnë”, theksoi Damka.
Ambasadori Ang?l? vuri në pah lidhjen midis dy popujve si dhe marrëdhëniet shtetërore midis Türkiyes dhe Kosovës.
“Me mbështetjen e YTB-së, pas këtyre Bursave të Türkiyes, prej të cilave ministri ynë Fikrimi është nga gjenerata e parë, alumnit e Türkiyes janë në fakt jashtëzakonisht të dobishëm, ngase ata forcojnë dhe përforcojnë çdo ditë këtë urë miqësie dhe në fakt ky është një shërbim që investon në të ardhmen”, tha ambasadori.
Nënkryetari i YTB-së gjithashtu theksoi se ky është takimin i 132-të të alumnive të Türkiyes në Kosovë.
Në kuadër të programit, ku folën edhe Semih Bilurdagi, kryetar i Shoqatës së Alumnive Turk në Kosovë dhe Bayram Pomak, kryetar i Shoqatës së Alumnive Turke, u shfaq filmi promovues i YTB-së dhe u ndanë dhurata.
Në kuadër të vizitës së tij në Kosovë, Necmeddin Bilal Erdo?an pa nga afër punimet e ndërtimit të Xhamisë Qendrore në Prishtinë. Gjithashtu ai vizitoi edhe Qendrën e Edukimit Special dhe Rehabilitimit në Prishtinë, e cila është ndërtuar dhe pajisur nga TIKA. Në qytetin e Prizrenit, Erdo?an u takua po ashtu me studentë që studiojnë në Universitetin e Prizrenit dhe nxënësit në shkollën fillore “Motrat Qiriazi”.
Vrasja e 27-vjeçares italiane, kosovari nga Suhareka i dërgoi mesazh bashkëshortit të saj
Një detaj është zbuluar nga mediat italiane ditën e sotme për vrasjen e 27-vjeçares italiane Vanessa Ballan nga 41-vjeçari shqiptar, Bujar Fandaj.
Para se të vriste 27-vjeçaren, Fandaj i ka dërguar një mesazh bashkëshortit të së resë, Nicola Scapinello. Bashkangjitur mesazhit, 41-vjeçari i ka dërguar dhe një video erotike të tij me 27-vjeçaren, të filmuar gjatë periudhës që ata kanë qenë të lidhur bashkë.
Pak kohë më parë autoritetet shëndetësore në Itali kanë publikuar autopsinë e bërë ndaj të resë. Rezultatet e autopsisë thonë se para se Vanessa Ballan të vritej, ajo është dhunuar barbarisht Fandaj.
Ndër të tjera, autoritetet italiane, shprehen se 27-vjeçarja ka marrë dy goditje në mushkëri dhe më pas shqiptarët e kanë qëlluar me thikë në zemër, duke shpuar tej për tej organin jetësor të saj.
41-vjeçari e ka goditur 8 herë me një thikë 20 centimetër të gjatë të renë italiane. Vanessa Ballan dhe Bujar Fandaj kishin qenë në një lidhje së bashku.
Pas një viti lidhje, 27-vjeçarja kishte vendosur t’i jepte fund gjatë verës, por shqiptari nga Kosova nuk e kishte pranuar ndarjen. Ky i fundit kishte filluar ta përndiqte duke u shfaqur disa herë në vendet ku ajo punonte, apo dhe në shtëpinë e saj duke e kërcënuar se “do ta vriste” në rast se nuk ribashkoheshin.
41-vjeçari nga Kosova donte që e reja shtatzënë të ndahej nga partneri i saj dhe të shkonte të jetonte me të në San Vito di Altivole, pak kilometra nga Spineda di Riese Pio X (Treviso), ku ndodhi tragjedia.
Muharremaj e vlerëson të suksesshëm vitin 2023
Kryetari i Suharekës, Bali Muharremaj, e ka vlerësuar si të suksesshëm vitin 2023.
Ai tha se shpenzimi prej 95 për qind i buxhetit,investimet kapitale, rritja e të hyrave vetanake për 500 mijë euro, si dhe projektet e tjera të rëndësishme infrastrukturor rrugore, sportive e kulturore, kanë qenë të arriturat më të medha të këtij viti.
Kryetari Muharremaj, ka folur edhe rreth kërkesave më të shumta që kanë pasur qytetarët, si dhe për prioritetet për vitin 2024. Në fund, kryetari Muharremaj, ka uruar të gjithë banorët e komunës së Suharekës, për një vit edhe më të suksesshëm për të gjithë.tv prizreni
Policia e Prizrenit kërkon ndihmë: Nëse i shihni këta dy persona, na lajmëroni menjëherë
Policia e Kosovës ka kërkuar ndihmën e qytetarëve për identifikimin dhe lokalizimin e dy personave, të cilët po kërkohen për veprën penale “Shpërdorim i pasurisë së huaj”, e cila është kryer më 3 nëntor të vitit të kaluar, në rrugën “Adem Jashari”, në Prizren.
Përmes një postimi në faqen zyrtare, Policia ka publikuar fotot e dy personave, dhe ka kërkuar nga të gjithë ata që kanë informacione për vendndodhjen e tyre, të lajmërojnë Policinë.
“Drejtoria Rajonale e Policisë në Prizren-Sektori i Hetimeve i Stacionit Policor në Prizren, bazuar në ligj për publikimin e fotos me shënime tjera të personave të kërkuar me autorizim të Prokurorisë Themelore Prizren, me qëllim identifikimit dhe lokalizimin të tyre lëshon: Kërkesë për bashkëpunim me qytetarët.Personat janë: Personat kërkohen , për veprën penale “Shpërdorim i pasurisë se huaj ” e cila ka ndodhe me 03.11.2022 në rrugën “Adem Jashari” në Prizren. Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të kërkuar në foton e bashkangjitura, të lajmërojë Policinë e Kosovës apo të lajmërohet në stacionin më të afërt policor”, thuhet në kërkesë.
Arrestohet një person në Prizren, dyshohet se rrahu dhe kanosi gruan e tij
Policia e Kosovës ka njoftuar se të mërkurën është arrestuar një burrë në Prizren i cili dyshohet se ka ushtruar dhunë fizike dhe ka kanosur me armë gruan e tij.
Sipas raportit 24-orësh të PK-së, viktima ka pranuar tretman mjekësor, ndërsa të dyshuarit i janë sekuestruar një pistoletë me dy karikatorë dhe 50 fishekë, raporton “Betimi për Drejtësi”.
“Prizren 27.12.2023-03:30. Është arrestuar i dyshuari mashkull kosovar nën dyshimin se i njëjti ka ushtuar dhunë dhe e ka kanosur me armë viktimën femër kosovare-bashkëshorten e tij. Viktimës i është ofruar tretman mjekësor, ndërsa njësitet policore në vendin e ngjarjes kanë sekuestruar një pistoletë, me dy karikatorë dhe 50-fishekë, për të cilën i dyshuari deklaron se është e vëllait të tij i cili gjendet jashtë Kosovës. Me vendim të prokurorit, i dyshuari pas intervistimit është dërguar në mbajtje”,thuhet në raportin e Policisë.
Vdes Dick Marty
Ka vdekur në moshën 78-vjeçare ish-senatori zviceran dhe prokurori Dick Marty, kanë konfirmuar familjarët e tij të enjten.
Marty u lind në kantonin jugor italishtfolës të Ticinos, ku shërbeu si zëvendësprokuror publik, më pas prokuror publik nga viti 1975-1989. Ai ishte anëtar i qeverisë kantonale të Ticinos nga viti 1989 deri në 1995.
I zgjedhur në Senatin Zviceran në vitin 1995, ai ishte anëtar i Partisë Radikale të qendrës së djathtë. Ai dha dorëheqjen në vitin 2011. Ndër nismat e tij ishin instalimi i një prokurori federal të pavarur dhe dekriminalizimi i abortit.
Ai u zgjodh në asamblenë parlamentare të Këshillit të Evropës në vitin 1999 dhe kryesoi Komisionin për Çështjet Ligjore dhe të Drejtat e Njeriut nga viti 2005 deri në 2008. Ai doli në pension në vitin 2011.
Në emër të komitetit, ai hetoi burgjet sekrete të CIA-s në Evropë, duke publikuar një raport në vitin 2006 që thoshte se 14 vende kishin bashkëpunuar me SHBA-në në një “rrjetën e merimangës” të abuzimeve të të drejtave të njeriut. Marty tha se vende të tjera, përfshirë Zvicrën, ishin përfshirë në mënyrë aktive ose pasive në ndalimin ose transferimin e personave të panjohur.
Në vitin 2010 ai publikoi një raport mbi trafikimin e dyshuar të organeve në Kosovë, i cili implikonte anëtarë të rangut të lartë të Ushtrisë Çlirimtare të Kosovës (UÇK).
Hetimi i fundit me sa duket ishte katalizatori për një urdhër të supozuar për atentat kundër Marty nga Serbia, transmetojnë mediat zvicerane.
Calhanoglu zgjodhi Interin para milionave nga Arabia Saudite
Hakan Calhanoglu e shikon të ardhmen vetëm te Inter-i, madje turku refuzoi milionat nga Al Hilal i Arabisë Saudite për të qëndruar te zikaltrit, raportojnë mediat në Itali.
“La Gazzetta dello Sport” zbulon një prapaskenë nga merkato e verës së kaluar, ku kryesuesit aktual të Ligës Pro Saudite, Al Hilal u afruan te Inter-i për Calhanoglu.
Oferta e sauditëve ishte një kontratë katërvjeçare me 18 milionë euro në sezon. Por, ata morën refuzimin e mesfushorit. Kjo ndonëse paga në Arabi ishte trefish më e lartë se ajo që ai përfiton aktualisht te Inter-i.
Megjithatë, oferta e Al Hilal në fakt do të jetë e vlefshme edhe në qershor 2024, ndoshta kur Calhanoglu të ketë fituar “mjaftueshëm” me Inter-in.
Tani, megjithatë, është e parakohshme të trajtohet kjo temë, sepse mesfushori 29-vjeçar i lindur në Mannheim të Gjermanisë, ka në mendje vetëm Inter-in dhe vendosjen e yllit të dytë në fanellë. Pa harruar Champions League ku sezonin e kaluar skuadra e Simone Inzaghi-t u ndal në finale nga Manchester City.
Ancelotti mbetet te Reali
Trajneri Carlo Ancelotti do të jetë në krye të Real Madridit edhe pas përfundimit të edicionit aktual. “Marca” ka njoftuar të enjten se Ancelotti së shpejti do të firmosë kontratë të re me skuadrën spanjolle, e cila do të zyrtarizohet muajin e ardhshëm.
Thuhet se presidenti i Realit, Florentino Perez është tejet i kënaqur me punën e Ancelottit, të cilit tashmë ia ka ofruar kontratën e re. Ancelotti do të firmosë kontratë të re dyvjeçare dhe do të jetë trajner i Realit deri në verën e vitit 2026.
Tekniku italian u rikthye te Real Madridi në verën e vitit 2021, ndërsa kontrata aktuale i skadon në fund të këtij edicioni.
Prizren, 23 aktakuza kundër 32 personave
Prokurori i Shtetit, njofton opinionin publik se gjatë 24 orëve të fundit nga Prokuroria Speciale dhe prokuroritë Themelore janë ngritur tetëdhjetetetë (88) aktakuza kundër njëqind e pesë (105) personave, për vepra të ndryshme penale.
Po ashtu, me urdhër të Prokurorit të Shtetit, janë ndaluar për 48 orë dymbëdhjetë (12) persona, si dhe janë bërë tre (3) kërkesa për caktim të paraburgimit të tre (3) personave, të dyshuar se kanë kryer vepra të ndryshme penale.
Prokuroria Speciale, gjatë 24 orëve të fundit, ka ngritur një (1) aktakuzë kundër një (1) të pandehuri për veprat penale “Pjesëmarrje ose organizimi i grupit kriminal të organizuar”, “Pengimi i të provuarit apo procedurës zyrtare”, ‘’Kanosja” dhe ‘’Falsifikimi i dokumenteve”.
Prokuroria Themelore në Prishtinë, me urdhër të prokurorit ka ndaluar pesë (5) persona dhe ka ngritur tridhjetetre (33) aktakuza kundër tridhjetepesë (35) personave për vepra të ndryshme penale.
Prokuroria Themelore në Prizren, gjatë 24 orëve të fundit, me urdhër të prokurorit ka ndaluar për 48 orë, një (1) person të dyshuar, si dhe ka parashtruar një (1) kërkesë për caktim të paraburgimit kundër një (1) personi. Ndërsa, nga kjo prokurori janë ngritur njëzet e tri (23) aktakuza kundër tridhjetë e dy (32) personave, për vepra të ndryshme penale.
Prokuroria Themelore në Pejë, gjatë 24 orëve të fundit ka ndaluar tre (3) persona për vepra të ndryshme penale. Dy (2) persona janë ndaluar për veprën penale “Lëndim i lehtë trupor’ dhe një (1) person për veprën penale “Sulm ndaj personit zyrtar”.
Prokuroria Themelore në Gjilan, ka paraqitur një (1) kërkesë për caktimin e masës së paraburgimit kundër një (1) personi dhe ka ngritur gjashtëmbëdhjetë (16) aktakuza kundër gjashtëmbëdhjetë (16) personave, për vepra të ndryshme penale.
Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar tre (3) person në kohëzgjatje prej 48 orësh, për kryerjen e veprave të ndryshme penale.
Prokuroria Themelore në Mitrovicë, ka paraqitur një (1) kërkesë për caktim paraburgimit për një (1) person, si dhe, ka ngritur një (1) aktakuzë kundër dy (2) personave për vepra penale të ndryshme.
Prokuroria Themelore në Ferizaj, gjatë 24 orëve të fundit, ka ngritur (14) aktakuza kundër nëntëmbëdhjetë (19) personave, për veprat të ndryshme penale.