Kryesuesja e Kuvendit të Prizrenit Antigona Bytyçi,ka paralajmëruar se seanca e cila u ndërpre sot në mungesë të votave, do të thirret për javën e ardhshme.
“ Seancën që u ndërpre sot do të ftoj sërish javën e ardhshme”, tregoi ajo.
Bytyçi, nuk ka futur në rend të ditës kërkesën e kuvendarit të pavarur, Bujar Hasani për zgjedhjen e anëtarit të ri të Komisionit të Aksionarëve në Stacionin e Autobusëve, pozitë të cilën e ka mbajtur drejtori i sapozgjedhur i Shëndetësisë, Simir Krasniqi.Kjo kërkesë u mbështet edhe nga disa anëtarët e tjerë të Kuvendit.
Bytyçi mohon akuzat e opozitës.
“ Unë e kam dërguar në MAPL një kërkesë për interpretim ligjor sa i përket anëtarit të Komisionit të Aksionarëve. Nuk e pash të arsyeshme me marrë veprime në Kuvend ende pa e kthyer përgjigjen MAPL-ja”, tha ajo.
Sipas saj, pas marrjes së përgjigjes nga MAPL-ja, do të procedohet në Kuvend çështja e anëtarit të Komisionit të Aksionarëve në Stacionin e Autobusëve./PrizrenPress.com/