Me një aktivitet të pasur artistik, të enjten u shënua 50-vjetori i funksionimit të Shkollës së Mesme të Ulët “Gani Saramati” (ish-Lekë Dukagjini) në Prizren, e cila që nga 27 shtatori 2021 mban emrin e dëshmorit të rënë në betejën e Gorozhupit të vitit 1999.
Në këtë manifestim solemn morën pjesë nxënës, prindër, stafi drejtues dhe mësimdhënës, përfaqësues të disa institucioneve, si dhe familjarë të dëshmorit Gani Saramati.
Drejtoresha e shkollës, Adelina Beqiri-Minci, foli për rrugëtimin e këtij institucioni arsimor, duke theksuar se kjo është një ditë e rëndësishme dhe plot suksese, pavarësisht sfidave të hasura gjatë këtij rrugëtimi.
Ndërkaq, drejtoresha e Arsimit në Prizren, Luljeta Veselaj-Gutaj, vuri në pah historinë e pasur dhe rezultatet e shkëlqyera të shkollës “Gani Saramati”, duke shtuar se dëshmorët duhet t’i nderojmë edhe nëpërmjet dijes.
Në emër të familjes së dëshmorit, një fjalë rasti mbajti vajza e tij, Shqipja, e cila shprehu lumturinë dhe nderimin që në këtë vatër të dijes dëgjohet edhe zëri i bijës së dëshmorit./tv prizreni /
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
