Ka raportime në Itali se kostoja e vërtetë që Manchester United po paguan për Joshua Zirkzee mund të arrijë në 61 milionë euro, por vetëm 26 milionë euro do të shkojnë te Bologna.
Dihej mirë se lojtari kishte një klauzolë lirimi prej 40 milionë euro në kontratën e tij, të cilën çdo klub mund ta aktivizonte pasi të kalonte dita e parë e korrikut.
Milan-i ishte përgatitur ta paguante atë, por refuzoi të mbulonte gjithashtu komisionin prej 15 milionë eurosh të kërkuar nga agjenti Kia Joorabchian, kështu që nuk e përfundoi transferimin edhe pasi ra dakord për kushtet personale.
Manchester United është i lumtur të paguajë komisionin prej 15 milionë eurosh, por gjithashtu po shpenzon shumë më tepër se kaq.
Sipas “The Athletic”, ata do të paguajnë 42.5 milionë euro te Bologna. Megjithatë, “Calciomercato.it” këmbëngul se tarifa e transferimit 46 milionë euro duke përfshirë bonuse të ndryshme.
Kjo i përshtatet gjithashtu Bologna-s, sepse si pjesë e blerjes fillestare prej 8.5 milionë eurosh nga Bayern Munich në verën e vitit 2022, ata i detyrohen gjigantëve gjermanë 50 për qind të tarifës së shitjes.
Kjo është vetëm shifra e klauzolës së lirimit dhe jo bonuset, kështu që Bologna duhet të mbajë 20 milionë euro plus të gjitha shtesat prej 6 milionë eurosh.
Zirkzee pritet të fluturojë sonte dhe t’i nënshtrohet testeve mjekësore me skuadrën e Premier League nesër në mëngjes. Albanian Post
Marketing
Kompania “G&M Stone”, lidere në përpunimin dhe prodhimin e gurëve në Kosovë
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit