Zona e Prevallës tash e disa javë po ballafaqohet me zjarrin e madh që e ka përfshirë atë pjesë.
Banorët po ndihen të rrezikuar shkaku që flakët kanë nisur t’iu ofrohen edhe shtëpive të banimit.
Madje disa thanë që nga Prevalla janë larguar edhe turistët.
Sabri Bunjaku nga Prevalla, tha mbrëmë se zjarri ka përfshirë atë vend, dhe se është afruar afër vilave, duke bërë kështu që turistët t’i braktisin ato.
“Në këtë moment janë afruar flakët afër vilave afër 200 metrave, në ora 10 ka ardhur një cisternë e zjarrfikësve, zjarri në Prevallë është përhapur me 5 gusht, në fillim nëse ishte intervenuar nuk do të vinte kjo gjendje, afër dy kilometra e ka shëmtuar Parkun Kombëtar”.
Bunjaku po ankohet sepse sipas tij nuk ka pasur ndërhyrje nga ana e zjarrfikësve.
“Ndërhyrje nuk ka pasur, veç rrinë aty, nuk ndërhyjnë, thonë nuk ka rrezik. Rreziku është shumë i madh, ne po frikësohemi sepse kanë filluar edhe gurët të shembën”, tha ai.
“Na premtuan që sot do të vijë KFOR-i, për të intervenuar, për ta shuar (zjarrin) me helikopterë. Paradite ka ardhur një helikopter, veç është sjellur dy herë rreth zjarreve dhe më nuk është lajmëruar askush”, shtoi Bunajku në “Edicionin Special” të Klan Kosovës.
Marketing
“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren
Kompleksi ‘Newco Elan’ ofron banesa të ëndrrave tuaja në zemër të Prizrenit