Një 25 vjeçar nga fshati Vragoli e Fushë Kosovës, ka humbur jetën dje në vendin e tij të punës në Prizren.
Vdekja e tij ka ardhur si pasojë e rrëzimit të një profili të metalit në një ndërtesë që ishte duke u rinovuar.
Policia e Kosovës bëri të ditur se viktima A.G ishte goditur në kokë dhe për pasojë ka humbur jetën.
Në raportin 24 orësh të policisë, bëhet e ditur se lidhur me rastin janë arrestuar tre persona.
Në vendngjarje kanë dalë njësitë përkatëse policore, prokurori si dhe inspektori i punës.
Lidhur me rastin janë arrestuar tre të dyshuar meshkuj/kosovar (menaxherë) të cilët pas intervistimit me vendim të prokurorit janë dërguar në mbajtje”, ka njoftuar policia.
Po ashtu prokurori ka urdhëruar që trupi i pajetë i viktimës të dërgohet në obduksion. Rasti vazhdon të jetë në hetime.
Marketing
Përjetoni pushime të paharruar dhe dasma magjike në Hotel “Albes Residence”
