KRU “Hidroregjioni Jugor” Sh.A. ka njoftuar se gjatë kësaj jave ekipet e Njësisë së Prizrenit kanë evidentuar dhe trajtuar 12 lidhje të paautorizuara në rrjetin e ujësjellësit.
Sipas kompanisë, lidhjet e paautorizuara përbëjnë shkelje të ligjit, dëmtojnë rrjetin e furnizimit me ujë dhe ndikojnë negativisht në cilësinë e shërbimeve për të gjithë konsumatorët.

KRU “Hidroregjioni Jugor” u ka bërë thirrje qytetarëve që të mos bëjnë kyçje të paautorizuara dhe, në rast se kanë raste të tilla, t’i legalizojnë ato duke ndjekur procedurat e rregullta pranë kompanisë.
“Apelojmë te të gjithë qytetarët që të mos bëjnë kyçje të paautorizuara dhe, nëse kanë raste të tilla, t’i legalizojnë ato duke ndjekur procedurat e rregullta pranë kompanisë”, theksohet në njoftim.
Kompania ka bërë të ditur se kontrollet në terren do të vazhdojnë, ndërsa ndaj çdo shkeljeje do të ndërmerren masat e parapara me ligj./PrizrenPress.com/
Marketing
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
Hapësira me qira në objektet e reja te ‘RENELUAL TAHIRI’ në Prizren
