Dy raketa hedhës me predha, granata dore – gjenden dhe konfiskohen arsenal armësh në shtëpinë e të dyshuarit në Prizren

Një person është arrestuar pasi që i njëjti pas një mosmarrëveshje ka shkaktuar dhunë fizike dhe psikike ndaj dy personave të tjerë, si dhe gjatë kontrollit në shtëpinë e tij është gjetur arsenal armësh.

Në raportin 24 orësh të Policisë së Kosovës bëhet e ditur se rasti ka ndodhur të mërkurën rreth orës 16:05, në Prizren.

Tutje bëhet e ditur se në shtëpinë e të dyshuarit janë gjetur dhe konfiskuar dy raketahedhës me dy predha, dy granat dore, një armë zjarri dhe katër fishekë.

“Është arrestuar i dyshuari mashkull kosovar pasi që i njëjti pas një mosmarrëveshje ka shkaktuar dhunë fizike dhe psikike ndaj dy viktimave, një mashkulli dhe një femre kosovare. Gjatë kontrollit në shtëpinë e të dyshuarit janë gjetur dhe konfiskuar, dy raketahedhës me dy predha, dy granata dore, një armë zjarri dhe katër fishekë të kalibrit të panjohur”, thuhet në raport.

Ndërkaq, siç bëhet e ditur në raportin me vendim të prokurorit i dyshuari është dërguar në mbajtje.

Marketing

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri