Presidentja e Kosovës, Atifete Jahjaga u nënshkrua sot në librin e zisë në EULEX, të hapur me rastin e vdekjes së pjesëtarit të këtij misioni Audrius Shenaviçius nga Lituania, i cili u vra dje në mëngjes në një sulm në afërsi të Zveçanit.
Me këtë rast, presidentja Jahjaga shprehu dhimbjen e saj për vdekjen e pjesëtarit të EULEX-it. Ajo çmoi kontributin e tij gjatë misionit në Kosovë dhe i shprehu ngushëllimet më të sinqerta familjes dhe misionit në kuadër të të cilit ai veproi në vendin tonë./PrizrenPress.com/