Presidenti i Lirisë, Rahman Kice, është inkuadruar direkt në emisionin ‘Dueli Sportiv’ në TV Dukagjini dhe ka debatuar me trajnerin, Bylbyl Sokoli
Sokoli ka thënë se udhëheqësia aktuale e Lirisë ka larguar nga klubi të gjithë kontribuesit dhe ish-futbollistët më të mëdhenj.
Ai e ka kritikuar ashpër menaxhimin aktual që po iu bëhet skuadrës.
“Të gjithë sportistë eminent i keni larguar nga klubi. Liria është në vendin e fundit, është në gjendje të mjerueshme, kjo tregon për keqmenaxhimin. Qysh po keni guxim me akuzu Skënder Shengylin dhe njerëz të tjerë aty. Duhet t’i lejoni njerëzit që dinë të udhëheqin aty,” tha Sokoli.
Teksa, Kice iu kundërpërgjigj duke kërkuar të dijë se ku kanë qenë njerëzit e suksesshëm gjatë kohës kur skuadra nga Prizreni ishte në Ligën e Parë.
“Ne kemi ardhur aty ku shumica nuk ka mundur të bëj. Për sport mundem t’iu tregoj të gjithëve, e dinë edhe Skënder Shengyli nga çfarë familje vij unë. Liria ka qenë pesë vjet në Ligën e Parë, ku kanë qenë njerëzit e suksesshëm, vetë e kanë shkatërruar klubin. A e dini se kur kemi ardhur te Liria s’kemi pasur as fanella. Çka po dilni po folni aty kishe pe dini shumë mirë sportin,” tha ai.
