Lidhja Demokratike e Kosovës në Prizren ka deklaruar se pushteti i Shaqir Totaj është zhytur në luks dhe keqpërdorim të parasë publike, duke i shërbyer individëve dhe jo qytetarëve.
“Ata kanë filluar të shmangen edhe nga përgjegjësitë që kanë në Kuvendin e Prizrenit”,thuhet në reagimin e LDK-së.
Sipas këtij subjekti politik, Shaqir Totaj dhe drejtorët e tij, sot, iu shmangën përballjes me kuvendarët e opozitës.
“Rehatia që Shaqir Totaj dhe grupi i tij i vogël i kanë krijuar vetes ka filluar t’i bëjë arrogantë përballë qytetarëve dhe kuvendarëve të opozitës në Prizren”.
“Lidhja Demokratike e Kosovës në Prizren nuk bëhet asnjëherë pjesë e arrogancës, prandaj kuvendarët e LDK-së nuk qëndruan në seancë për t’i krijuar komoditet Shaqir Totaj dhe grupit të tij të vogël me të cilin qeveris.”
“LDK në Prizren do të jetë zëri i qytetarëve dhe gjithmonë krah tyre. Nepotizmin, keqpërdorimin e parasë publike, arrogancën dhe keqqeverisjen e këtij pushteti, LDK në Prizren e ka pasqyruar me kohë para qytetarëve”.
Marketing
Kompleksi ‘Newco Elan’ ofron banesa të ëndrrave tuaja në zemër të Prizrenit
