Projekti i bashkëfinancuar nga Drejtoria e Bujqësisë dhe Zhvillimit Rural për mbjelljen e boronicës po vazhdon me sukses në territorin e Komunës së Prizrenit. Deri më tani, janë mbjellë 2.4 hektarë me këtë lloj bime në gjithë territorin komunal.
Ky projekt synon të nxisë zhvillimin ekonomik rural duke promovuar kultivimin e bimëve të imëta, të cilat kanë treg potencial të lartë për eksport dhe përmirësimin e të ardhurave për fermerët lokalë. Drejtoria e Bujqësisë ka bashkëpunuar ngushtë me fermerët, duke ofruar mbështetje teknike dhe financiare për të siguruar cilësinë dhe qëndrueshmërinë e prodhimit.
Fermerët që marrin pjesë në këtë projekt kanë shprehur kënaqësinë e tyre për përkrahjen e marrë dhe për rezultatet e arritura deri më tani.
Ky projekt është pjesë e strategjisë më të gjerë të Komunës së Prizrenit për të nxitur zhvillimin rural dhe për të përmirësuar cilësinë e jetës në zonat rurale përmes nxitjes së inovacionit dhe diversifikimit të aktiviteteve bujqësore.
Marketing
“Edi Alumin” në Prizren shpall konkurs për mjeshtër të dyerve dhe dritareve të plastikës
Kompleksi ‘Newco Elan’ ofron banesa të ëndrrave tuaja në zemër të Prizrenit
