Në kuadër të përmirësimit të infrastrukturës rrugore, Komuna e Prizrenit, përmes Drejtorisë së Shërbimeve Publike, ka realizuar asfaltimin e rrugës që lidh fshatrat Vlashnje dhe Kobaj.
Ky investim i rëndësishëm synon të lehtësojë qarkullimin dhe të përmirësojë cilësinë e jetës së banorëve të këtyre zonave.
“Banorët e Vlashnjes dhe Kobajit tani do të kenë mundësi të lëvizin më lehtë dhe më sigurtë, duke pasur një rrugë të re dhe moderne që lidh këto dy fshatra. Ky projekt është pjesë e përpjekjeve të vazhdueshme të Komunës së Prizrenit për të modernizuar infrastrukturën dhe për të ofruar kushte më të mira jetese për qytetarët e saj”,njofton Komuna e Prizrenit.
“Projekte të ngjashme do të vazhdojnë edhe në pjesë të tjera të komunës, duke synuar përmirësimin e infrastrukturës në të gjitha fshatrat dhe lagjet e Prizrenit”.
Marketing
Restoranti familjar “Sofra” shpall konkurs për vende të lira pune
