Qeveria Komunale e Dragashit formon komisione për strehimoren e qenve dhe donacionin për bletarët

Kryetari i Komunës së Dragashit, Bexhet Xheladini, ka njoftuar se gjatë ditës së sotme është mbajtur mbledhja e radhës e Qeverisë Komunale, ku janë trajtuar disa çështje me rëndësi për komunën.

Sipas tij, në fillim të takimit, në praninë e përfaqësuesit të organizatës Platform for Lawyers, avokatit Mehmet Vehbi Filiz, është diskutuar për mundësinë e ndërtimit të një strehimoreje për qentë endacakë në territorin e Komunës së Dragashit, me ç’rast është formuar një komision prej tre anëtarësh që do të merret me hapat proceduralë për realizimin e projektit.

“Gjatë ditës së sotme mbajtëm mbledhjen e radhës të Qeverisë Komunale. Fillimisht, në praninë e përfaqësuesit të organizatës Platform for Lawyers, avokatin Mehmet Vehbi Filiz, diskutuam për mundësitë e ndërtimit të një strehimoreje për qentë endacakë në territorin e Komunës së Dragashit. Për këtë qëllim formuam edhe Komisionin prej tre anëtarësh i cili, në bashkëpunim me organizatën Platform for Lawyers, do të shqyrtojë të gjitha hapat dhe procedurat për realizimin e këtij projekti”, ka deklaruar Xheladini.

Në vijim të mbledhjes është formuar edhe Komisioni për implementimin e donacionit nga Republika e Turqisë për bletarët e rajonit të Gorës.

“Më pas formuam edhe Komisionin për implementimin e donacionit nga Republika e Turqisë për bletarët e rajonit të Gorës, i cili do të kujdeset për zbatimin korrekt të këtij projekti, me qëllim mbështetjen dhe zhvillimin e mëtejshëm të sektorit të bletarisë në Komunën tonë”, thuhet në njoftim.

Po ashtu, në këtë takim janë diskutuar edhe modalitetet e organizimit të Agjendës së aktiviteteve për nder të Epopesë së UÇK-së, si dhe caktimi i nga një lokacioni në pjesën e Gorës dhe të Opojës për ndërtimin e hidranteve për shuarjen e zjarreve./PrizrenPress.com/

Marketing

Pagesa me këste / Shiten 3 banesa në Kompleksin “Prizreni i Ri”

Shitet banesa në lagjen “Dardania” të Prizrenit

Krijojmë webfaqe për biznese

Mos prit më – merr kredinë që të duhet në IMF KosInvest

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren