32.8 C
Prizren
E shtunë, 20 Korrik, 2024

Kosova pa fond emergjent, afër gjysmë milion dëme nga reshjet e shiut vetëm në Dragash

Mbi gjysmë milionë euro është dëmi i shkaktuar në Komunën e Dragashit pas vërshimeve që ndodhën javë më parë. Nga kjo komunë janë në pritje të kompensimit nga Qeveria. Derisa nga Asociacioni i Komunave të Kosovës po kërkojnë që të formohet një fond emergjent, për të evituar të tilla vonesa.

Vetura të përmbysura, shtëpi me ujë, e rrugë të shkatërruara ishin pamjet e fshatit Kuk të Dragashit, një ditë pas vërshimeve.

E jo vetëm këtu, nga kjo fatkeqësi natyrore, edhe shumë rrugë, ura e mure mbrojtëse u dëmtuan me 26 qershor në fshatrat e këtij qyteti i cili gjendet në jug të Kosovës.

Vlera e këtyre dëmeve kap shifrën afër gjysmë milionë euro.

Kryetari i Komunës në një prononcim për tëvë 1, ka thënë se janë në pritje të qeverisë që sa më parë të dalin këto para.

Ashtu sikurse Dragashi, edhe komuna e Skenderajt është në pritje të kompensimit për vërshimet që u prek në janar të vitit 2023.

Ani pse kanë kaluar më shumë se 17 muaj, sipas zyrtarit për informim në këtë komunë, Qeveria nuk ndau para për dëmet që u bënë në infrastrukturën publike.

“Sa përket vërshimeve Qeveria e Kosovës e ka kompensuar një pjesë të madhe te familjeve që janë dëmtuar kurse sa i përket dëmeve në infrastrukturën publike, dëmeve në biznese dhe dëmeve të tjera që kanë qenë në ura, në trotuar ende nuk ka asnjë lloj kompensim nga Qeveria e Kosovës, të cilat janë afër 6 milionë euro në infrastrukturën publike”, tha zyrtari për informim në Komunën e Skenderajt, Amir Lushtaku.

E që këto vonesa të kompensimit të dëmeve me muaj e vjet të anashkalohen, nga Asociacioni i Komunave të Kosovës kanë kërkuar që të formohet një fond emergjent.

“Kjo procedurë po është shumë burokratike, dhe ndihma e shtetit tek qytetaret mund të shihet pas disa muajve, por qytetari kërkon emergjencë sepse nëse ka dëme materiale në një shtëpi apo banesë ata kërkojnë ndihmë menjëherë që dëme të sanohet e jo përmes këtyre procedurave”, tha drejtori i Asociacionit të Komunave të Kosovës, Sazan Ibrahimi.

Tëvë1 ka kërkuar përgjigje edhe nga Qeveria e Kosovës në lidhje me kërkesën e Asociacionit të Komunave por nuk ka marrë përgjigje./tëvë1

Marketing

“Bashkimi Reisen” organizon udhëtime turistike çdo natë: Prizren – Ulqin dhe Ulqin – Prizren

Lëshohet me qira lokali për biznesin tuaj në Prizren

“Edi Alumin” në Prizren shpall konkurs për mjeshtër të dyerve dhe dritareve të plastikës

“Eli –Edona”, mobilieria me oferta më të mira në Prizren

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Më Shumë

Kurti për Betejën në Rahovec: Krimet e Serbisë s’do të mund të zhduken e harrohen

Kryeministri i vendit, Albin Kurti, e ka kujtuar Betejën e Korrikut të vitit 1998, për të cilën tha se filloi më 17 korrik brenda...

Policia shqiptoi për 24 orë, 2292 gjoba në trafik

Policia e Kosovës njofton se për 24 orë, ka shqiptuar 2292 gjoba në trafik. Sipas policisë, gjatë 24 orëve të fundit janë evidentuar disa aksidente...

Lajmet e Fundit